२०८२ मंसिर १३, शनिबार १३:२३
नेपाल प्रिमियर लिग (एनपीएल) क्रिकेटमा पोखरा एभेञ्जर्सले लुम्बिनी लायन्सलाई १ सय ५१ रनको लक्ष्य दिएको छ ।
कीर्तिपुरको त्रिवि क्रिकेट रङ्गशालामा टस हारेर ब्याटिङ गरेको पोखराले ५ विकेट गुमाएर १ सय ५० रन बनायो ।
पोखराका एडम रोसिङ्टोनले ८१ रन बनाए । यस्तै जिम्मी निशमले अविजित ५१ रन बनाए । लुम्बिनीका शेर मल्ल र तिलक भण्डारीले समान २ तथा गुल्बादिन नइबले १ विकेट लिए ।
यस्तै आजै दिउँसो साढे ३ बजे सुदूरपश्चिम रोयल्स र जनकपुर बोल्ट्सबीच खेल हुनेछ । सुदूरपश्चिम यो प्रतियोगितामा अहिलेसम्म अपराजित रहेको छ । चार वटा खेल खेलेको सुदूरपश्चिम ८ अङ्कसहित तालिकाको शीर्ष स्थानमा छ । तीन खेलमा एउटा पनि खेल जित्न नसकेको साविक विजेता जनकपुर अङ्कविहीन हुँदै तालिकाको पुछारमा छ ।
